«14-yanvar Watan qorǵawshıları kúni» bayramı múnásibeti menen usı jıldıń 12-yanvar sánesinde Qaraqalpaq filologiyası hám jurnalistika fakultetinde «Watandı mártler qorǵaydı» atamasında student jaslar menen birgelikte ushırasıw keshesi bolıp ótti

Ushırasıwda Arqa – Batıs áskeriy gornizonınıń podpolkovnigi Sirojiddin Avazov hám 3-dárejeli serjant Ohunjon Karimovlar miymanda boldı. Ushırasıwdan maqset jaslardıń Watanǵa degen súyispenshiligin arttırıw, Ózbekstan Respublikası Qurallı kúshleriniń tariyxı hám házirgi kúndegi qural jaraq, áskeriy jaqtan imkaniyatları menen birgelikte jetiskenlikleri haqqında student jaslarǵa maǵlıwmat beriw bolıp tabıladı. Sonıń menen birge áskeriy xızmetkerdiń jasaw shárayatı olarǵa qaratılǵan itibarlar hám ómiri dawamındaǵı qızıqlı waqıyaları menen jaslardı Watanǵa sadıqlıq sezimin oyatıw.

Ilajdı fakultet jaslar menen birge islesiw boyınsha dekan orınbasarı Z.Jumanov ashıp berdi hám basqarıp bardı. Onnan soń taraw qánigeleri ózleriniń bayanatları menen qatnasıp óz pikir usınısların jaslar menen birgelikte bólisti. Bunnan soń, student jaslar ózleriniń qızıqtırǵan sorawlarına juwapların aldı. Ilaj barısında qızıqlı sorawlar bergen hám talantlı, belsendi qatnasqan studentler xoshametlendi.

Z.Jumanov – Jaslar menen birge islesiw boyınsha dekan orınbasarı