Berdaq atındaǵı Qaraqalpaq mámleketlik universiteti Fizika hám Biologiya fakultetlerinde 2023-jılda ámelge asırılǵan oqıw, ilim-izertlew jumısları boyınsha kafedra baslıqları esabı tıńlandı. Kafedralardıń prezentaciyaların analizlewde universitet oqıw isleri boyınsha prorektorı O.Duysenbaev, bólim baslıqları, fakultet dekanları hám ekspert sıpatında Ekonomika kafedrası docenti A.Alımovlar qatnastı. Bul dodalawdıń tiykarǵı maqseti 2023-jılda erisilgen nátiyjelerdi analizlew hám 2024-jılǵa perspektivalı baǵdarlardı belgilewden ibarat. Sonday-aq, kafedralar bir-biriniń tájiriybelerin úyreniwge de imkaniyat jaratıldı.
Ózbekstan Respublikası Prezidentiniń 2023-jıl 11-sentyabrdegi PF-158-sanlı pármanında belgilengen wazıypalardı orınlaw maqsetinde Qaraqalpaq mámleketlik universitetinde ámelge asırılıp atırǵan jumıslar:
- QS xalıq aralıq reytingi agentliginiń regionallıq reytinginde 2020-jıldan baslap qatnasıp keledi.
- A) QS EECA University Rankings 2022 – Shıǵıs Evropa hám Oraylıq Aziya mámleketleri reytinginde 2022-jılda 400 JOO arasında dizimnen orın alǵan. (Ózbekstan JOOları sanı – 7)
- B) QS Asia University Rankings 2023 – Aziya mámleketleri reytinginde 2023-jılda 750 JOO arasında dizimnen orın alǵan. (Ózbekstan JOOları sanı – 8)
- V) QS Asia University Rankings 2023 – Aziya mámleketleri reytinginde 2023-jılda 800 JOO arasında dizimnen orın alǵan. (Ózbekstan JOOları sanı – 14)
- THE – Times Higher Education reyting agentliginiń Impact Ranking reytinginde 2020-jıldan baslap qatnasıp keledi.
- A) Times Higher Education Impact Rankings 2022 reytinginde 2022-jılda +1000 JOO arasında dizimnen orın alǵan. (Ózbekstan JOOları sanı – 30, Sonıń ishinde QMU 7-orında)
- B) Times Higher Education Impact Rankings 2023 reytinginde 2023-jılda +1000 JOO arasında dizimnen orın alǵan. (Ózbekstan JOOları sanı – 47, Sonıń ishinde QMU 19-orında)
- 2017-jıldan baslap universitetimizge Rossiya, Qazaqstannan tısqarı Belarus, Norvegiya, Germaniya, Turkiya sıyaqlı rawajlanǵan mámleketlerdiń TOP-1000lıqqa kirgen JOOlarınan professorlar kelip sabaq otip kelmekte.
- Professor-oqıtıwshılarımız, jas alımlarımız, El-yurt umidi fondı, Innovaciyalardı rawajlandırıw ministrligi tárepinen ótkerilgen tańlawlarda ham basqa da xalıq aralıq grant tańlawlarda jeńimpaz bolıp, Angliya, Rossiya, AQSh, Vengriya, Qazaqstan, Slovakiya, Germaniya mámleketlerine stajirovkalarǵa barıp mamanlıǵın jetilistirip keldi. Sonday-aq, hazirgi kúnde professor-oqıtıwshılarımız sırt ellerdegi ataqlı universitetlerde studentlerge sabaqlar ótpekte.
- Joqarıdaǵı keltirilgen xalıq aralıq reyting agentlikleriniń talaplarına muwapıq jılına 250 maqala SKOPUS ham VEB OF SAYNS xalıq aralıq bazalarına kiritilgen jurnallarda hám konferenciya toplamlarında maqala shıǵarıw bolıp tabıladı. Bul boyınsha universitetimizdiń kórsetkishlerin basqıshpa-basqısh kóteriw boyınsha jumıslar ámelge asırılmaqta. 2019-jılda 29 maqala shıqqan bolsa, mas ráwishte 2020 – 62, 2021 – 67, 2022 – 61, 2023 – 101 maqala SKOPUSta indekslengen jurnallarda baspadan shıqqan.
