Berdaq atındaǵı Qaraqalpaq mámleketlik universiteti Qaraqalpaq ádebiyatı kafedrası docenti Inabat Allambergenovanıń Turkiyanıń Izmir qalasındagı Ege universitetiniń professorı Pinar Fedekar menen birge islegen «Karakalpak masallari: metin merkezli bir inceleme ve icra deneyimi» atamasındaǵı joybarınıń juwmaqlanıwına baylanıslı dekabr ayında ilimiy saparda boldı. Usı joybardıń nátiyjesi sıpatında Izmir qalasında Pinar Fedekar menen birlikte «Karakalpak masallari» degen atamada kitap baspadan shıǵardı. Sonday aq, 2023-jıl 7-11-dekabr kúnleri Ankara qalasında Túrkiy xalıqlar mádeniyatınıń kongressinde qatnasıp keldi. Sonıń menen birge, Ege universitetining túrk tili hám ádebiyatı fakultetinde bolıp, ol jerdegi student-jaslarǵa lekciya sabaǵın ótti.