Berdaq atındaǵı Qaraqalpaq mámleketlik universitetiniń Sanaat texnologiyası fakultetinde student-jaslar arasınsda «Kiber jınayatnıa qarsı gúresiw, Jınayatshılıq hám huqıqbuzarlıqtıń aldın alıw» atamasında úgit-násiyat ilaji bolıp otti. Ilajǵa jaslar menen birge islesiw boyınsha dekan orınbasarı Sh.Musirov, universitet profilaktika inspektorı mayor I.Erejepov, fakultet tyutorları hám student-jaslar qatnastı. Ilajda Sanaat texnologiyası fakulteti dekan orınbasarı Sh.Musirov ilajdıń tiykarǵı maqseti student-jaslar arasında unamsız jaǵdaylardıń aldın alıw kerek ekenligi hám de studentler arasında jınayatshılıq hám huqıqbuzarlıqlardı boldırmaw olarǵa qarsı gúresiw boyınsha ámelge asırılıp atırǵan is-ilájlar haqqında toqtalıp ótti.

Bunnan soń, universitet profilaktika inspektorı mayor I.Erejepov sózge shıǵıp jeke transport quralları menen oqıwǵa keletuǵın student-jaslarǵa jol háreketi qaǵıydalarına ámel qılıwı, student-jaslarǵa jámiyetlik orınlarda temeki, alkogol’ ónimlerin paydalanbawı, hám de hár qıylı táwekelshilikke tiykarlanǵan oyınlarǵa aralaspaw kerekligi, mayda biyzarılık, talan-tarajlık, kiber jınayatlar menen shuǵılanbaw, sonın menen hár qıylı korrupciya illetlerine aralaspawı bunday illetlerden awlaq bolıwı kerekligi haqqında keńnen úgit-násiyat jumısların alıp bardı. Bunday jınayat hám huqıqbuzarlıqlarǵa ameldegi nızamshılıǵımızda juwapkershilik bar ekenligi haqqında student jaslarǵa túsindirildi.