Húrmetli Prezidentimizdiń basshılıǵında 2023-jıl 20-dekabr kúni IT Infrastrukturasın jaqsılaw, taraw hám de tarmaqlardı sanlastırıw boyınsha ótkerilgen videoselektor máilisinde, Mámleketimiz basshısı jáhán ekonomikası tez pát penen rawajlanıp baratırǵan bir payıtta hesh bir tarawdı sanlı texnologiyalarsız kóz aldımızǵa keltirip bolmaslıǵın aytıp ótken edi.

Usı tiykarda búgin 1-fevral kúni Berdaq atındaǵı Qaraqalpaq mámleketlik universitetinde IT tarawı boyınsha seminar bolıp ótti. Onda universitet rektorı A.Reymov, oqıw isleri boyınsha prorektorı O.Duysenbaev, IT Park Qaraqalpaqstan Respublikası filiali bas menejeri I.Ismaylov, barlıq fakultet dekanları hám juwapker xızmetkerler qatnastı.

Dáslep universitet rektorı A.Reymov sózge shıǵıp, Mámleketimizde IT baǵdarında ámelge asırılıp atırǵan jumıslar, zamanagóy informaciya texnologiyaları hám bul baǵdarda jaslarǵa jaratılıp atırǵan imkaniyatlar, haqqında aytıp ótti.

Bunnan soń, IT Park Qaraqalpaqstan Respublikası filiali bas menejeri I.Ismaylov óz iskerlikleri boyınsha túsinik berip, bul taraqwǵa jaslardı keń qamtıp alıw kerekligin aytıp, IT Park rezidentlerine berilip atırǵan jeńillikler, imkaniyatlar boyınsha maǵlıwmatlar berdi. Seminar dawamında qatnasıwshılar ózlerin qızıqtırǵan sorawların berip, taraw qánigesinen tiyisli juwaplardı aldı.