Qaraqalpaqstan Respublikası Ishki isler ministrligi menen Qaraqalpaq mámleketlik universiteti arasında yuridik kadrlardı tayarlaw baǵdarında birge islesiw Memorandumı tiykarında 2023-2026-jıllarǵa mólsherlengen is-ilájlar rejesine muwapıq usı jıldıń fevral ayı “Jaslar arasında náshebentlik hám psixotrop zatlar tarqalıwınıń aldın-alıw” aylıǵı hám de Kiber jınayatına qarsı gúresiw, olardı sergeklikke shaqırıw maqsetinde QR IIM taraw xızmetkerleri tárepinen Yuridika fakulteti student-jaslarına huqıqıy úgit-násiyatlaw jumısları alıp barıldı.

Onda QR IIM Operativ qıdırıw xızmeti, kiber qáwipsizlik bólimi baslıǵı D.Seytmuratov, QR IIM Operativ qıdırıw xızmeti, kiber qáwipsizlik bólimi aǵa qánigesi aǵa serjant J.Qıdırbaev, QR IIM Operativ qıdırıw xızmeti, jınayat qıdırıw Basqarması aǵa operativ wákili A.Ismailov, QMU profilaktika inspektorı mayor I.Erejepov, Hayal-qızlar máseleleri boyınsha aǵa inspektor U.Orınbaeva usı baǵdardaǵı máseleler boyınsha túsindiriw jumısların alıp bardı. Ilajda sózge shıqqanlar búgingi kúnde «Kiber hújim» háwij alıp atırǵanın, bunıń aqıbetinde kópshilik adamlar bul kiber hújim qurbanına aylanıp qalıp atırǵanın turmıslıq mısallar menen túsindirip ótti. Ilaj dawamında student-jaslar ózleriniń qızıqtırǵan sorawlarına taraw qánigelerinen juwaplar aldı.