Usı jıldıń 12-fevral kúni Samarqand qalasında “Jabayı haywanlardıń kóship júriwshi túrlerin saqlaw boyınsha Konvenciya” qatnasıwshılarınıń 14-konferenсiyası (CMS COP14) baslandı. Konferenciyanı Ózbekstan Respublikası bas ministri A.N.Aripov ashıp berdi.  Konferenciyanı Ózbekstan Respublikası Ekologiya, qorshaǵan ortalıqtı qorǵaw hám ıqlım ózgerisi ministri A.Abduhakimov alıp bardı.

Konferanciyaǵa dúnyanıń 130 dan aslam mámleketlerinen 1700 ge jaqın delegatlar, sonday-aq, Ózbekstannıń joqarı oqıw orınları, ilim-izertlew institutları hám mámleketlik emes shólkemlerinen baqlawshılar qatnaspaqta. Baqlawshılar qatarında Qaraqalpaq mámleketlik universitetinen Biologiya fakulteti dekanı, b.i.d., professor Yakub Ametov, dekan orınbasarı, PhD Amet Xabibullaev hám tayanish doktorantı Quralbay Turdıbaevlar qatnasıp atır. Konferensiyada kóship júriwshi jabayı haywanlardı qorǵaw hám olardıń jasaw orınların saqlap qalıw máseleleri dodalanbaqta.

Esletip ótemiz, CMS konvenciyası 1979-jılı Bonn qalasında (Germaniya) qabıl etilgen hám 1983-jılı kúshke kirgen. Konvenciyaǵa  133 mámleket aǵza bolıp, Ózbekstan bul konvenciyaǵa 1998-jıl 1-sentyabrde qosılǵan. “Jabayı haywanlardıń kóship júriwshi túrlerin saqlaw boyınsha Konvenciya” qatnasıwshılarınıń konferenсiyası Ózbekstan tariyxında 1-márte ótkerilmekte hám 17-fevralǵa shekem dawam etedi.

Amet Xabibullaev

Qaraqalpaq mámleketlik universiteti

 Biologiya fakulteti ilimiy isler boyınsha

dekan orınbasarı, PhD