Qaraqalpaq til bilimi kafedrasınıń professorı, filologiya ilimleriniń doktorı Shamshetdin Abdinazimov hám Gúljáhán Allambergenovalardıń avtorlıǵında joqarı oqıw orınlarınıń magistratura basqıshı  70230101 – Lingvistika (qaraqalpaq tili)  hám 20240103–Folklortanıw hám dialektologiya qánigeliginiń  magistrantları ushın tayarlanǵan «Lingvofolkloristika páninen praktikum» atamasındaǵı jańa oqıw qollanbası «ILIM-NUR» baspasında basılıp shıqtı.

Bul oqıw qollanba Berdaq atındaǵı Qaraqalpaq mámleketlik universiteti Keńesiniń  2023-jıl 8-aprel 7/5.4- sanlı bayanlaması menen maqullanıp baspaǵa usınıldı. 

Berdaq atındaǵı Qaraqalpaq mámleketlik universiteti rektorınıń 2023-jıl 21-oktyabrdegi  335/1-sanlı buyrıǵı tiykarında basıp shıǵarıwǵa ruqsat berilgen.

«Lingvofolkloristika páninen praktikum» oqıw qollanbası magistratura basqıshı Lingvistika (qaraqalpaq tili),  Folklortanıw hám dialektologiya qánigeliginiń mámleketlik bilimlendiriw standartı hám úlgi oqıw rejesine sáykes tayarlanǵan.

Oqıw qollanba keleshekte  qaraqalpaq til biliminiń lingvofolkloristika tarawı boyınsha islenetuǵın ilimiy dissertaciyalıq jumıslarına ámeliy járdem beredi .

A.Qosımbetova

Qaraqalpaq til bilimi kafedrası doktorantı