Joqarı bilimlendiriw, ilim hám innovaciyalar ministrliginiń 2023-jıl 6-mart kúngi 44-sanlı buyrıǵında belgilengen wazıypalardı orınlaw hám Berdaq atındaǵı Qaraqalpaq mámleketlik universiteti professor-oqıtıwshıları menen birge islesiw jumısların alıp barıw maqsetinde universitettiń “Pedagogika hám psixologiya” kafedrası professor-oqıtıwshıları docent. Z.Turumbetova  assistentler V.Erjanova, A.Turemuratova, hám psixologiya baǵdarı pitkeriwshi 4-kurs studentleri Qońırat rayonı 1-sanlı kásip-óner mektebinde boldı. Dáslep bul jerde docent. Z.Turumbetova «Joqarı mektep oqıtıwshısınıń kásiplik – pedagogikalıq iskerligi», V.Erjanova «Kabina hám platformalarǵa texnik xızmet kórsetiw» temaları boyınsha oqıtıwshılarǵa sheberlik sabaqların ótti. Bunnan soń, A.Turemuratova «Oqıtıwshı hám oqıwshı arasındaǵı qarım-qatnas» atamasındaǵı psixologiyalıq seminar-trening ótkerdi. Kafedranıń pitkeriwshi kurs studentleri kásip-óner mektebi oqıwshılar menen ushırasıp oqıwshı jaslar arasındaǵı múnásibet haqqında psixologiyalıq trening ótkerdi. Sonıń menen birge, bul jerde kásip óner mektebi oqıtıwshıları menen ushırasıp,  pánler boyınsha usınısları tıńlandı. Usınınıslar negizinde universitet professor – oqıtıwshıları tárepinen másláhátler berilip, aldaǵı waqıtları pánler bazası boyınsha birge islesiwge kelisip alındı.