Berdaq atındaǵı Qaraqalpaq mámleketlik universiteti Ekonomika fakulteti «Buxgalteriyalıq esap hám audit» kafedrası baslıǵı Z.Tajekeev, professor-oqıtıwshılar, magistrantlar, «Jas buxgalterler hám akademiyalıq jazıw sheberligi» hám «Jas statistler» klubları aǵzaları qatnasında «Studentlerdi mámleketlik ataqlı stipendiyalarǵa hám basqa da tańlawlarǵa tayarlaw» atamasında seminar bolıp ótti.

Seminar dawamında kafedra professor-oqıtıwshıları M.Abishov hám B.Mırzanovlar tárepinen Mámleketlik stependiya jeńimpazı bolıw ushın qanday jumıslar alıp barılıwı kerekligi haqqında ózleriniń áhimiyetli pikirleri bildirip ótildi. Bunnan soń Stipendiya iyeleri bolǵan 4-kurs «Buxgalteriyalıq esap hám audit» studenti E.Eshpanbetov hám 4-kurs «Statistika» studenti M.Orınbaevalar ózleriniń Mámleketlik stipendiya jeńimpazı bolıwı jolların aytıp, tájireybeleri menen bólisip, stipendiyant bolıwdı qálewshi studentlerge óz másláhatlerin berdi.

Seminar juwmaǵında studentlerge prof. w.a. Q.Ismaylov ta kafedranıń ziyrek studentlerine óz kórsetpelerin berdi hám studentler ózlerin qızıqtırǵan sorawlarına juwaplar aldı.