Yuridika hám Tariyx fakulteti hayal-qızlar máseleleri boyınsha dekan másláhátshileri G.Qazaqbaeva, Q.Mnajatdinovalardıń shólkemlestiriwinde «Baxıtlı shańaraq formulası»n jaratıwǵa baǵıshlanǵan sáwbetlesiw keshesi ótkerildi. Student-qızlardı shańaraqqa tárbiyalawǵa baǵıshlanǵan ilajǵa joqarı basqıshtıń studentleri qatnastı.

Ótkerilgen ushırasıwda Nókis qalası PHAJ bólimi baslıǵı Qaraqalpaqstan Respublikasına xızmet kórsetken yurist S.Pirnazarova qatnasıp, student-qızlarǵa shańaraqlıq máselelerge tiyisli huqıqıy másláhát hám turmıslıq tájiriybelerinen kelip shıqqan halda túsinikler berdi. Sonday-aq, miymanımız gender teńlik hám gender juwapkershilik máselesi, búgingi kúnde shańaraqlar ortasında ushırasıp atırǵan ajırımlardıń sebepleri, shańaraqta teń salmaqlılıqtı saqlawda hayal-qızlardıń ornı haqqında óz pikirlerin aytıp, turmıslıq  tájiriybeleri menen bólisti.

Sáwbetlesiw barısında yurist, dekan másláhátshileri student-qızlar tárepinen aytılǵan pikirlerge durıs yaki nadurıslıǵınan kelip shıǵıp, sın pikir hám maqullaw principi tiykarında óz múnásibetlerin bildirdi. Ilaj sońında barlıq pikir-usınıslardan kelip shıqqan halda baxıtlı shańaraq formulası jaratıldı.