Búgin universitette Qaraqalpaq filologiyası hám jurnalistika fakulteti tárepinen “Karera kúni” shólkemlestirildi. Onda Qaraqalpaq filologiyası hám jurnalistika fakultetiniń “Qaraqalpaq til bilimi”, “Qaraqalpaq ádebiyatı”, “Jurnalistika”, “Ámeliy filologiya” kafedraları menen birge islesip kiyatırǵan óndiris orınlarınan hám mákeme, shólkemlerden kelgen wákiller qatnastı. Ushırasıwdı universitettiń oqıw isleri boyınsha prorektorı O.Dúysenbaev basqarıp bardı. Ol óz sózinde kárxana wákillerine bilim alıp atırǵan tálim baǵdarları, ótilip atırǵan pánler, olardıń ámeliyatları, 2023/2024-oqıw jılında pitkeriwshiler haqqında maǵlıwmatlar berip ótti.
Bunnan soń, ushırasıwda jaslardıń mashqalaların úyreniw hám óz waqtında sheshiw, olardı materiallıq hám ruwxıy jaqtan qollap-quwatlaw mámleketimiz siyasatınıń baslı wazıpalarınıń biri ekenligi, bunnan bılay da jaslardı hár tárepleme qollap-quwatlaw hám Ózbekstan Respublikası Miynet kodeksi, “Jaslardıń bántligine kómeklesiw hám olardı turaqlı jumıs penen támiyinlewge tiyisli qosımsha is-ilajlar haqqında”ǵı Ózbekstan Respublikası Prezidentiniń 2023-jıl 26-aprel kúngi PF-61-sanlı Pármanı hám “Xalıq bántligi haqqında”ǵı Ózbekstan Respublikasınıń 2020-jıl 20-oktyabr kúngi WRQ-642-sanlı Nızamında belgilengen wazıypalardı orınlaw maqsetinde Qaraqalpaq filologiyası hám jurnalistika fakultetiniń 2023/2024-oqıw jılı pitkeriwshileriniń keleshekte óz qánigeligi boyınsha jámiyette óz ornın tabıw hám olarǵa jaqınnan kómeklesiw máseleleri ortaǵa taslandı. Óz náwbetinde óndiris orınlarınan kelgen miymanlar da bul máseleler boyınsha ózleriniń másláhátlerin, pikir hám usınısların bildirip ótti.
“Karera kúni”n ótkeriwdegi maqset óndiris orınları hám shólkemleriniń qánigeler tayarlaw sapasına bolǵan talaplardı tikkeley tálim mazmunın qáliplestiriw menen shuǵıllanatuǵın joqarı oqıw orınları profil kafedralarınıń professor-oqıtıwshıları tárepinen sistemalı úyrenilip barılıwın shólkemlestirip barıw, student-jaslardıń qánigelik ámeliyatların ótewdi jaqsı jolǵa qoyıwda joqarı oqıw ornı menen óndiris orınları arasında tıǵız birge islesiwdi jolǵa qoyıw esaplanadı.
“Jas jurnalistler” dógeregi
