2024-jılı Qaraqalpaqstan Respublikası Konstituciyası qabıl etilgenligine 31 jıl tolıwı múnásibeti menen usı jıldıń 8-aprel kúni jaslarımızdıń Qaraqalpaqstan Respublikası Konstituciyası, onıń tiykarǵı principleri hám qaǵıydaları boyınsha bilimlerin asırıwdı xoshametlew, turmısta múnásip orınların tabıwında konstituciyamızdıń áhmiyeti hám rolin túsinip alıwına múnásip sharayatlar jaratıw maqsetinde Berdaq atındaǵı Qaraqalpaq mámleketlik universitetinde Qaraqalpaqstan Respublikasındaǵı joqarı oqıw orınlarınıń kúndizgi bakalavriat tálim baǵdarlarında oqıp atırǵan studentler arasında Qaraqalpaqstan Respublikası Konstituciyası qaǵıydaları hám principlerin úyreniw boyınsha olimpiada ótkeriledi.

Olimpiada usı jıldıń 8-aprel kúni saat 9:00 de Berdaq atındaǵı Qaraqalpaq mámleketlik universiteti Yuridika fakulteti imaratında bolıp ótedi. Saat 9:00 de sebepsiz jaǵdaylarǵa baylanıslı olimpiada ótkeriletuǵın orında bolmaǵan  qatnasıwshılar olimpiadaǵa qatnastırılmaydı.

Olimpiadada Qaraqalpaqstan Respublikasındaǵı joqarı oqıw orınlarınıń kúndizgi bakalavirat tálim baǵdarlarında oqıp atırǵan student-jaslar jeke tártipte qatnasıw huqıqına iye.

Barlıq qatnasıwshı studentler Yuridika fakulteti imaratına saat 8:30 da jetip keliwi shárt.

Olimpiada tómendegi basqıshlardan ibarat:

1) Shıǵarmalar tańlawı;

2) Test sorawları.

Olimpiada jeńimpazları joqarıdaǵı 2 basqısh boyınsha toplaǵan ulıwma balları arqalı anıqlanadı.

Qosımsha maǵlıwmat ushın telefonlar:

+99893 712 07 24

+99893 614 26 76