Usı jıldıń 4-aprel kúni Shımbay rayonı prokurorı, 2-sektor baslıǵı R.T.Xalmuratov Berdaq atındaǵı Qaraqalpaq mámleketlik universiteti Shımbay fakultetinde tálim  alıp atırǵan student-jaslar menen ashıq sáwbetlesiw ótkerdi.

        Atap aytqanda, ashıq sáwbet esabında ótkerilgen ushırasıwda, rayon prokurorı jaslarǵa búgingi kúnde mámleketimiz basshısı tárepinen elimizde jaslar máselesi boyınsha ámelge asırılıp atırǵan keń kólemli jumıslar, olarǵa jaratılǵan sharayat hám imkaniyatlar boyınsha keńnen aytıp ótti.

        Bunnan basqada, jaslar arasında jınayatshılıq hám túrli huqıqbuzarlıqlardıń aldın alıw,  internet, sociallıq tarmaqlarda payda bolıp atırǵan jámiyetimizge, mámleketimizdiń rawajlanıw jolında óziniń keri tásirin tiygizetuǵın sekta hám aǵımlardan awlaq bolıwda birge islesiwge turaqlı túrde qadaǵalap barıwǵa shaqırdı.

        Sonday-aq, ushırasıwda Qaraqalpaqstan Respublikası Joqarǵı Keńes  komiteti baslıǵı Sh.Ótemisov qatnasıp, jaslardı hár tárepleme qollap-quwatlaw, elimizde bizneske qaratılıp atırǵan itibar, isbilermenlik penen shuǵıllanıw niyetinde bolǵan student-jaslarǵa barlıq múmkinshilikler jaratılǵanlıǵın atap ótti.

        Jaqınnan sáwbetlesiw túrinde ótkerilgen ushırasıw dawamında student-jaslardıń usınıs hám pikirleri tıńlanıp olardıń unamlı sheshiliwi ayırıqsha qadaǵalawǵa alındı.

       Bul baǵdarda ilajlar dawam etpekte