Búgin 13-aprel kúni Berdaq atındaǵı Qaraqalpaq mámleketlik universitetinde Ózbekstan Respublikası Ilimler akademiyasınıń akademikleri menen birgelikte «Akademik hám jaslar» ushırasıw bolıp ótti. Onda akademik Qadir Gafurovich Gulamov, Bobomurod Juraevich Axmedov, Nagmet Qallievich Ayımbetov, Axmed Mambetkarimovich Reymov hám universitettiń Fizika fakulteti professor-oqıtıwshıları, student-jaslar qatnastı.

Ushırasıwdı universitet rektorı, akademik A.Reymov alıp bardı hám ushırasıw qatnasıwshılarına miymanlardıń ómir jolı, ilimiy-izertlew jumısları, fizka ilimlerin rawajlandırıw baǵdarında qolǵa kirgizip atırǵan nátiyjeleri haqqında aytıp ótti. Bunnan soń, akademik Q.Gulamov, B.Axmedov, N.Ayımbetovlar sózge shıǵıp, elimizde bilimlendiriw sistemasında, ásirese fizika tarawındaǵı ilimiy izertlew jumıslar hám ilim jolınıń mashaqatları, tabısları haqqında ushırasıw qatnasıwshılarına maǵlıwmatlar berdi.

Ushırasıwda Akademikler tárepinen berilgen maǵlıwmatlar, qılınǵan bayanatlar qatnasıwshılarda ásirese student-jaslarda úlken tásir qaldırıp, ushırasıw soraw-juwaplar menen dawam etti.