Ózbekstan Respublikası Prezidentiniń 2020-jıl 12-avgusttaǵı “Ximiya hám biologiya baǵdarlarında úzliksiz bilimlendiriw sapasın hám ilim-pán nátiyjeliligin asırıw is-ilajları haqqında”ǵı PQ-4805-sanlı, 2021-jıl 19-marttaǵı “Fizika tarawındaǵı bilimlendiriw sapasın asırıw hám ilimiy izertlewlerdi rawajlandırıw is-ilajları haqqında”ǵı PQ-5032-sanlı hám de 2020-jıl 6-oktyabrdegi “Xabar texnologiyaları tarawında bilimlendiriw sistemasın jáne de jetilistiriw, ilimiy izertlewlerdi rawajlandırıw hám olardı IT-industriya menen integraciyalaw is-ilajları haqqında»ǵı PQ-4851-sanlı qararlarına muwapıq joqarı oqıw orınlarınıń tiyisli baǵdarlarındaǵı bakalavriat basqıshı pitkeriwshi kurs studentleri arasında usı jıldıń 10-20-iyun kúnleri “Ximiya”, “Biologiya”, “Fizika” hám de “Informatika hám informaciyalıq texnologiyaları” pánlerinen Respublika pán olimpiadası oʻtkeriledi.
Esletip ótemiz, olimpiada Ózbekstan Respublikası Joqarı bilimlendiriw, ilim hám innovaciyalar ministrliginiń 2024-jıl 2-apreldegi 106-sanlı buyrıǵı tiykarında Fizika hám Biologiya pánleri boyınsha Ózbekstan Milliy universitetinde, Informatika hám informaciyalıq texnologiyaları páni boyınsha Tashkent informaciyalıq texnologiyaları universitetinde, Ximiya páni boyınsha Tashkent ximiya-texnologiya institutında ótkeriliwi belgilengen.
