Berdaq atındaǵı Qaraqalpaq mámleketlik universiteti Kórkem óner fakulteti “Pedagogika hám psixologiya” kafedrası baslaması menen “Jaslardıń jámiyette júz berip atırǵan proceslerge sanalı qatnasta bolıw mádeniyatın qáliplestiriw mashqala hám sheshimleri” atamasındaǵı respublikalıq ilimiy-teoriyalıq konferenciya bolıp ótti. Onda Kórkem-óner fakulteti dekanı H.Ótegenov, NMPI “Ulıwma pedagogika hám psixologiya” kafedrası baslıǵı p.i.d., professor T.Utebaev, Qarı-Niyaziy atındaǵı Ózbekstan pedagogikalıq ilim-izertlew institutı Qaraqalpaqstan filialı direktorı p.i.d., professor A.Tilegenov, Qaraqalpaqstan Respublikası pedagoglardı jańa metodikalarǵa úyretiw milliy orayı “pedagogika, psixologiya hám tálim texnologiyaları” kafedrası docenti E.Sulletbaeva, universitet professor oqıtıwshıları hám belsendi student jaslar qatnastı. Konferenciyanı universitettiń jaslar máseleleri hám ruwxıy-aǵartıwshılıq isleri boyınsha prorektor S.Alawatdinov ashıp berdi hám alıp bardı.

Konferenciya tómendegi baǵdarlar boyınsha jumıs alıp bardı:

1.Ámeliy tájiriybelerdegi pedagogikalıq-psixologiyalıq múmkinshilikler hám tárbiya sistemasınıń konceptual baǵdarlarınıń komporativ analizi;

2.Jaslar arasında ruwxıy, ádep-ikramlılıq múnásibetlerdiń dinamikalıq ózgeshelikleri hám integral diagnostikaǵa tiykarlanǵan tárbiyalıq jumıslar sistemasın rawajlandırıw: xalıq aralıq tájiriybeler hám tendenciyalar;

3.Shıǵıs oyshıllarınıń watansúyiwshilik tárbiyasına tiyisli ideyaları hám qádiriyatların pedagogikalıq-psixologiyalıq talqılaw;

4.Jaslar arasında ruwxıy, ádep-ikramlılıq múnásibetler dárejesin anıqlaw arqalı “ruwxıy uzaqlasıw” qáwpi hám tásiriniń aldın alıwǵa arnalǵan pedagogikalıq-innovaciyalıq baǵdarlar;

5.Jaslarda “psixologiyalıq immunitet” ti qáliplestiriwdiń perspektivalı texnologiyaları.