Joqarı bilimlendiriw, ilim hám innovaciyalar ministrligi, Qaraqalpaq mámleketlik universiteti, respublikamızdıń jeti hám Evropanıń úsh joqarı oqıw orınları, Italiyanıń Politecnico di Torino universiteti, Portugaliyanıń Universidade de Evora universiteti, Ispaniyanıń Universidad Politecnica de Madrid universitetlerinıń birge islesiwinde ERASMUS+Higher Education Capacity Building grantlar sheńberinde “Development of the targeted Educational program for Bachelors in Solar Energy in Uzbekistan (DEBSEUz)” xalıq aralıq grant qatnasıwshılarınıń gezektegi onlayn ushırasıwı 2024-jıl 19-aprelde bolıp ótti.

Bul ushırasıw grantta belgilengen is-rejelerdıń orınlanıwına baǵıshlanǵan. Atap aytqanda grant tiykarında laboratoriya hám oraylardı qáliplestiriw máseleleri, maǵlıwmatlar toplaw hám qanigelerdıń bilimin jetilistiriw, grant natiyjelerin internet tarmaqlarda jarıtıp barıw hám basqa máseleler qarap ótildi. Onlayn ushırasıwda hár bir universitet óz slaydları menen qatnasip, ámelge asırǵan jumıs nátiyjeleri menen pikir almastı. Ushırasıw juwmaǵında grant qatnasıwshılarınıń Italiyanıń Politecnico di Torino universitetinde bolıp ótetuǵın náwbettegi júzbe-júz ushırasıwǵa tayarlıq kóriw máselesi, sonıń menen birge orınlanıwı kerek bolǵan waziypalar rejesi kórip shıǵıldı.