Berdaq atındaǵı Qaraqalpaq mámleketlik universitetinde <Dóretiwshi ustaz> tańlawı qatnasıwshıların xoshemetlew keshesi bolıp ótti. Kesheni <Ustaz jolı> gazetası Bas redaktorı Jetkerbay Ótegenov ashtı hám alıp bardı. Bunnan soń kóp jıllardan berli joqarı oqıw ornında pidayı ilimiy pedagogikalıq miynetleri menen el ardaǵına miyasar bolǵan universitet professor-oqıtıwshılarınan jaslar máseleleri, ruwxıylıq xám aǵartıwshılıq isleri boyınsha birinshi prorektorı S.Alawatdinov, professor M.Tagaev, belgili tilshi ilimpaz Q.Paxratdinov, «Ǵárezsizlik jıllarında» universitet jılnaması kitabın hám basqada bir qansha kitaplardı avtorlıq fotosúwretleri menen bayıtqan, dóretiwshi fotograf Nurabulla Ibrayımovlar «Ádiwli ustaz» hám «Óz kásibiniń pidayısı» kókirek nıshanı menen sıylıqlandı.

Sıylıqlanǵanlar tańlaw qatnasıwshıların jetiskenlikleri menen qutlıqlap, bilimlendiriw tarawındaǵı iygilikli islerinde tasqın tabıslar tiledi.