Qaraqalpaqstan Respublikası Mektepke shekemgi hám mektep bilimlendiriw ministrligi hám de Berdaq atındaǵı Qaraqalpaq mámleketlik universiteti tárepinen ulıwma bilim beriw mektepleriniń pitkeriwshi klass oqıwshıları arasında kóp basqıshlı Ximiya hám Biologiya, Fizika, Informatika hám informaciyalıq texnologiyaları pán olimpiadaları ótkerildi.  Olimpiadanıń juwmaqlawshı basqıshı búgin Berdaq atındaǵı Qaraqalpaq mámleketlik universitetinde bolıp ótti. Dáslaep universitettiń oqıw isleri boyınsha prorektorı  O.Duysenbaev, ilimiy isler hám innovaciyalar boyınsha prorektorı I.Turdımambetovlar sózge shıǵıp, bárshe rayon(qala)lıq basqıshında jeńimpaz bolǵan olimpiada qatnasıwshıların qızǵın qutlıqlap, keyingi basqıshlarında áwmetler tiledi.  Bul olimpiada Ximiya hám Biologiya, Fizika, Informatika hám informaciyalıq texnologiyaları pánine qızıǵıwshılıǵı joqarı bolǵan oqıwshılar ózleriniń bilimlerin sınaqtan ótkerdi. Olimpiada juwmaǵında jeńimpaz bolǵan qatnasıwshılardı universitettiń jaslar máseleleri hám ruwxıy-aǵartıwshılıq isleri boyınsha prorektor S.Alawatdinov universitet rektoratı atınan qızǵın qutlıqlap, olarǵa shólkemlestiriwshiler tárepinen tayarlanǵan diplom hám estelik sawǵaların tapsırdı.