2024-jıl “Jaslar hám biznesti qollap-quwatlaw jılı” múnasibeti menen “Qabiletli jaslar-Millet maqtanıshı, jámiyet tayanıshı” atamasında Qaraqalpaqstan Respublikası málimleme kitapxana orayında sáwbetlesiw keshesi bolıp ótti.
Keshege jas isbilermen Dawran Panaev, QMU tayanısh doktorantı Venera Usenova Qurılıs fakulteti student-jasları qatnasti.

Dáslep D.Panaev óziniń ơmir jollarınan hám sol isbilermenlikke qanday eriskenligi, tabısları haqqında, ápiwayı nárselerden kerekli ónimler islep shıǵıwǵa bolatuǵınlıǵın, jaslarǵa bos waqtın biykarǵa sarıplamay qoldan kelgenshe waqıttan únemli paydalanıw kerekligin, keleshekte úlken záwlim imaratlar salıp xalıq xızmetinde bolıwdı arzıw etkenligin aytıp berdi.

Bunnan soń, V.Usenova sózge shıǵıp jaslarda joqarı ruwxıylıqtı qáliplestiriwde kitap hám kitapqumarlıqtıń áhmiyeti, hár bir insan, hár bir kitapqumarda kitap oqıw mádeniyatın jáne de rawajlandırıwımız kerekligi haqqında túsindirip óz pikirlerin bildirdi.

Ilajda jaslar ózleri qızıqtırǵan sorawlarına mazmunlı juwaplar aldı. Ushırasıwdan studentler unamlı tásirler aldı, kitap oqıwǵa, jańa bilimlerdi oqıp-úyreniwge intası jánede joqarıladı hám jańa maqsetler jańa háreketlerdi baslawǵa bel bayladı.

u