Usı jıldıń 1-3 may kúnleri Qaraqalpaq mámleketlik universitetinde Tomsk politexnika universiteti energetika injenerligi mektebi docenti, t.i.k Ufa Ruslan Aleksandrovich xızmet saparında boldı.
Sapar dawamında: universitettiń oqıw isleri boyınsha prorektorı doc. O.Duysenbaev penen ushırasıw ótkerip, keleshekte eki tárepleme ámelge asırılatuǵın wazıypalar dodalandı. 60710600 – Elektr energetikası bakalavr tálim baǵdarınıń 2-basqısh studentleri ushın “Teoriyalıq elektrotexnika” hám “Aqıllı energetika tarmaqları” pánlerinen lekciya hám sheberlik sabaqları ótkerildi.
Elektr energetikası kafedrası 4-basqısh pitkeriwshi kurs studentleri arasında “Прорыв” xalıq aralıq olimpiada shólkemlestirildi. Olimpiada juwmaǵına kóre, joqarı ball toplaǵan studentler olimpiada jeńimpazı bolıwı menen birge Tomsk politexnika universitetine magistraturaǵa grant tiykarında kiriw imkániyatına iye boladı. Maǵlıwmat ushın; Tomsk politexnika universiteti QS-2024 reytinginde 586-orında turadı.
