1999-jıl 2-mart kúni Ózbekstan Respublikası Prezidentiniń 2243-sanlı Pármanı menen 9-may Eslew hám qádirlew kúni etip belgilendi. Eslew hám qádirlew kúnin ulıwmaxalıqlıq bayram sıpatında keń belgileniwi munásebeti menen Shet tilleri fakulteti tyutorları student-jaslar menen birgelikte ilaj ótkerildi. Ilajǵa Nókis gornizonı ruwxıylıq hám aǵartıwshılıq orayı baslıǵı mayor Z.Alijonov qatnastı.

Ol óz sózinde búgingi abadan turmısımız, elimiz tınıshlıǵı jolında gúresken, kerek bolsa janlarında ayamay qurban bolǵan elimiz márt azamatların eske alıw, olardıń mártlik islerin keleshek áwladqa tanıstırıp jaslardı watan súyiwshilikke shaqırdı. 

Sonday-aq, búgingi tınısh turmısımızdıń qádirine jetip jasaw, ana watanımız aldında perzentlik wazıypamızdı hújdan menen atqarıw, onıń hár bir qarıs jerin asırap-abaylaw hár birimizdiń tiykarǵı wazıypamız ekenligin aytıp ótti.

Shet tilleri fakulteti tyutorı O.Farxadova