Usı jıldıń 6-7-may kúnleri Tashkent qalasında Qaraqalpaq mámleketlik universiteti “Tábiyiy geografiya hám gidrometeorologiya” kafedrası professorı w.w.a., Sultashova Oralxan Genjebaevna Tashkent qalasında, Ózbekstan Respublikası Ekologiya qorshaǵan-ortalıqtı qorǵaw hám klimat  ózgerisleri ministrligi janındaǵı Gidrometeorologiya xızmeti agentligi (Agentlik) BMSH Rawajlanıw baǵdarlaması menen sheriklikte, Jasıl klimat fondı tárepinen ótkerilgen  “Ózbekstanda maslasıwdıń orta hám uzaq múddetlerin rejelestiriliwin  alǵa súriw ushın sektorlarǵa tayanǵan milliy maslasıw rejesi” qospa joybarı tiykarinda xalıq aralıq konferenciyasında qatnastı.

Konferenciyadan gózlengen maqset – klimat ózgerisleri tásirine tómen bolǵan  ekonomika tarmaqlarına itibar qaratǵan halda Milliy maslasıw jobaların islep shıǵıw  boyınsha Oraylıq Aziya mámleketleri tájiriybesi menen almasıw, sonıń menen birge, maslasıw boyınsha innovaciyalıq sheshimler hám ámeliyatlardı kórsetiwden ibarat    

Konferenciyada, Oraylıq Aziya mámleketleri atap aytqanda, Qazaqstan, Qırǵızstan, Tajikstan, Túrkmenstan hám Ózbekstannıń tiykarǵı ministrlikleri hám de shólkemlerinen 100 ge jaqın tiyisli qánigeler hám ilimpazlar qatnastı.