Ózbekstan Respublikası Sport ministrligi, Ózbekstan Respublikası Joqarı bilimlendiriw, ilim hám innovaciyalar ministrligi, Ózbekstan talabalar sport associaciyası, Ózbekstan Respublikası Jaslar isleri agentligi, Ózbekstan kurash federaciyasınıń qospa qararına muwapıq usı jıl 7-may kúni Qaraqalpaqstan Respublikasındaǵı joqarı oqıw orınları studentleri arasında sporttıń milliy kurash túri boyınsha Qaraqalpaqstan Respublikası birinshiligi ótkerildi.
Jarısqa Dene mádeniyatı fakultetinen qatnasqan studentlerimiz, yaǵnıy, 66 kilogramm salmaq kategoriyası boyınsha Mustafaev Begis 1-orın, Ataniyazov Damir 2-orın, Aytbaev Asadbek 3-orın, 73 kilogramm salmaq kategoriyası boyınsha, Ismatov Ziyodulla 1-orın, 81 kilogramm salmaq kategoriyası boyınsha Abatbaev Boburbek 1-orın, +81 kilogramm salmaq kategoriyası boyınsha Matkarimov Sultanbekler 1-orındı iyelegen bolsa, al qızlar arasında 52 kilogramm salmaq kategoriyası boyınsha Tilewimbetova Gulzabiyra 2-orın, Qıdırbaeva Mexriyban 3-orın, 63 kilogramm salmaq kategoriyası boyınsha Xojamuratova Gulziyra 2-orın, Aralova Aziza hám Turdıbaeva Gulnazlar 3-orın, +63 kilogramm salmaq kategoriyası boyınsha Medetbaeva Azada 1-orın, Abdireymova Shaxsanem 2-orın, Ubaydullaeva Mahbubalar 3-orınlardı iyelep, qospa qarar tiykarında usı jıldıń 17-18-may kúnleri Tashkent qalasında ótkeriletuǵın jarıstıń Respublikalıq final basqıshına jollama aldı.
Sportshılarımızdı qolǵa kiritken jeńisleri menen qutlıqlaymız hám keyingi ótkeriletuǵın basqıshlarda tabıslar tileymiz. Sportshılardı jarısqa tájiriybeli trenerler, dene mádeniyatı teoriyası hám metodikası kafedrası oqıtıwshıları R.Xolekov, S.Qaniyazov, A.Alxamovlar tayarladı.
R.Óteniyazov
Dene mádeniyatı fakultetiniń
jaslar menen islesiw boyınsha dekan orınbasarı
