Berdaq atındaǵı Qaraqalpaq mámleketlik universitetiniń Ekonomika fakulteti «Buxgalteriyalıq esap hám audit» kafedrası baslıǵı Z.Tajekeev, professor-oqıtıwshılar, magistrantlar hám ziyrek studentler Joqarı bilimlendiriw orınlarında «Máripat taratıp» joybarın ámelge asırıw is-ilajları haqqında 2024-jıl Ózbekstan Respublikası Prezidenti Admınıstraciyasınıń 13-apreldegi 03-RA 1-5357-sanlı tapsırması orınlanıwın támiyinlew maqsetinde Shomanay rayonı 20-22-26-sanlı mekteplerinde hám «Ketenler» máhállesinde ilajda boldı.

Joybar sheńberinde Nókis qalası hám rayonlardaǵı mekteplerde hám máhallelerde oqıwshı jaslardıń qatnasında kitapqumarlıqtı rawajlandırıw maqsetinde «Buxgalteriyalıq esap hám audit» kafedrasına biriktirilgen mekteplerdegi oqıwshılar menen kafedra professor-oqıtıwshıları hám ziyrek studentlerimiz ortasında sáwbetlesiwler bolıp ótti. Kitapqumar oqıwshı jaslarǵa kitaplar sawǵa etildi.

Ilaj sońında ziyrek studentler shıǵıp sóylep, jaslardıń mánawiyatın joqarılatıw hám olardıń bilimlerin sınaqtan ótkeriw maqsetinde Zakovat intelektual oyını shólkemkestirilip, jeńimpazlarǵa hám belsendi qatnasqan oqıwshılarǵa kafedra jámááti tárepinen tayarlanǵan sawǵalar tapsırıldı.