Yuridika fakultetinde 15-may «Xalıqaralıq shańaraq kúni» múnásibeti menen «Jańa Ózbekstanda shańaraqlardıń huqıqıy, social-psixologiyalıq kelbeti» atamasında ushırasıw bolıp ótti. Ilajǵa Nókis qalası PHAJ bólimi baslıǵı S. Pirnazarova, Al-Beruniy atındaǵı Islam bilim jurtı aǵa oqıtıwshısı A.Idrisov, Puxaralıq baslamalardı qollap-quwatlaw orayı Qaraqalpaqstan bólimi psixologi R.Amanova, Ózbekstan Respublikası «Ibratlı shańaraq» tańlawı jeńimpazı Rustem hám Dilbar Aybergenovlar shańaraǵı, professor-oqıtıwshılar hám student-jaslar qatnastı. 

Ilajda «Puxaralıq hám biznez huqıqı kafedrası assistenti Yu.Abdireymov xalıqaralıq shańaraq kúniniń belgileniw tariyxı haqqında aytıp ótti. Al-Beruniy atındaǵı Islam bilim jurtı aǵa oqıtıwshısı Abdulxamid Idrisov shańaraqlıq múnásibetlerge tiykarlanǵan diniy bilimleri menen bólisti. Student-jaslarǵa shańaraq hám onıń múqaddesligi haqqında hádis hám ráwayatlardan mısallar keltirdi. Ushırasıwǵa kelgen psixolog Roza Amanova studentlerge psixologiyalıq bilimlerin berip, turmıslıq mısallarǵa baylanıslı psixologiyalıq trening ótti.

Ózbekstan Respublikası «Ibratlı shańaraq» tańlawı jeńimpazı Rustem hám Dilbar Aybergenovlar sózge shıǵıp usı tańlawda jeńimpaz bolǵanlıǵınıń jemisi bul shańaraqlıq, jaqın aǵayin-tuwısqanshılıq qaram-qatnas etikası, perzentler tárbiyasında juwapkershilikli bolǵanlıǵıniń nátiyjesi ekenligin aytıp berdi. Kún tártibindegi másele boyınsha bilimlerdi bekkemlew ushın Nókis qalası PHAJ bólimi baslıǵı Saltanat Pirnazarova shańaraqlıq múnásibetlerdiń huqıqıy tiykarları, puqaralıq halatlardıń nızamlı shártleri hám normaları haqqında sóz ett. Ushırasıw student-jaslardıń menen soraw-juwapları menen juwmaqlandı

Yuridika fakulteti 304-topar studenti Sh. Yuldashova