Yuridika fakultetinde jaslardıń bos waqtın mazmunlı ótkeriw, olardıń sportqa bolǵan qızıǵıwshılıǵı, mehir-muhabbatın xoshametlew maqsetinde er-balalar arasında sporttıń minifutbol túri boyınsha hár jılı ótkeriliwi dástúrge aylanǵan «Dekan kubogı» jarısı bolıp ótti.

Dáslep fakultet tyutorlarına biriktirilgen toparlar arasında óz-ara bellesiw tárizinde ótken jarıs juwmaǵına kóre hár bir tyutorǵa tiyisli studentler arasınan eń jaqsı oyınshılardı saylap alıw nátiyjesinde jámi on bir tyutorǵa tiyisli on bir komanda hám kuratorlarǵa biriktirilgen 4-basqısh studentlerinen ibarat on eki eń jaqsı komandalar fakultet «Dekan kubogı» hám ajratılǵan sıylıǵı ushın kúsh sınastı.

Júzden aslam student-jaslar qatnasqan keskin hám qızǵın bellesiwlerge bay tárizde ótken oyınlar juwmaǵında úshinshi orındı G. Qazaqbaevaǵa biriktirilgen 2-basqıshtıń «Gulbaxar Qazaqbaeva» komandası iyelep 500.000 sum pul sıylıǵı menen xoshametlendi. Ekinshi orın hám 700.000 sum 4-basqıshtan ibarat «Atabek Tursınbaev» komandasına nesip etken bolsa tyutor S. Dilanovaǵa tiyisli 3-basqısh studentlerinen dúzilgen «Saxıbjamal Dilanova» komandası jarıstıń  birinshi orını «Dekan kubogı» hám 1000.000 sum menen xoshametlendi.