Ózbekstan Respublikasi Prezidenti Adminstraciyasınıń 2024-jıl 13-apreldegi 03RA 1-5337-sanlı tapsırması hám Ózbekstan Respublikası Joqarı Bilimlendiriw, ilim hám innovaciyalar ministrliginiń 2022-jıl 17-aprel kúngi 122-sanlı buyrıǵınıń orınlanıwın támiyinlew maqsetinde “Ózbek filologiyası fakulteti “Qazaq tili hám ádebiyati” kafedrası oqıtıwshıları G.Adilova, A.Serikbayevalar “Máripat taratıp” joybarı tiykarında Taxtakópir rayonı “Taxtakópir awıl puqaralar jıyını” hám usı rayondaǵı 3-sanlı ayırım pánlerdi tereńlestirip oqıtıwǵa qánigelestirilgen mektebinde ilajlar shólkemlestirip, ushırasıwlar ótkerdi. Mektep direktorı L.Tilewova, ruwxıylıq hám aǵartıwshılıq isleri boyınsha direktor orınbasarı Z.Qdirbaeva hám Qazaq tili hám ádebiyatı kafedrası baslıǵı G.Adilovalar shıǵıp sóyledi. G.Adilova mektep oqıwshılarına, ásirese mektep pitkeriwshilerine, mámleketimizde jaslarǵa berilip atırǵan imkaniyatlar, oqıwǵa qabıllaw procesindegi jańalıqlar haqqında keń túsinikler berdi. Sonday-aq, milletler aralıq tatıwlıq, diniy bawırkeńlik haqqında da aytıp ótti. Sóz sońında mektep oqıwshılarına keleshekte kásip tańlawda imkaniyatlardan paydalanıp, ózleri tańlaǵan kásipleriniń aldınǵı qatarlı insanlardan bolıwına áwmetler tiledi.
Sońınan mekteptiń 11-klass oqıwshıları arasında “Zakovat” intellektuallıq oyının ótkerip, jeńimpaz komandalarǵa sıylıqlar tapsırıldı. Oqıwshılardıń bilimin jetilistiriw, kitapqa bolǵan qızıǵıwshılıǵın arttırıw maqsetinde mektep kitapxanasına kafedra professor-oqıtıwshıları tárepinen shıǵarılǵan kitaplar hám ádebiy kitaplar tapsırıldı. Ushırasıw dawamında kafedra oqıtıwshıları rayon orayındaǵı “Taxtakópir” awıl puqaralar jıyınında bolıp, máhálle baslıǵı Niyetbaev Alpısbay hám máhálle belsendileri menen ushırasıp, sáwbetler ótkerdi. Máhálleniń ruwxıy aǵartıwshılıq múyeshine kitaplar sawǵa etti.
