Student-jaslar arasında náshebentlik hám psixotrop zatlardıń aylanısınıń aldın alıw hám oǵan qarsı gúresiw maqsetinde usı jıldıń 17-18-may kúnleri Dene mádeniyatı fakulteti student-jasları arasında sportıń «Kishi futbol» túri boyınsha fakultet birinshiligi ótkerildi. Ótkerilgen jarısqa fakultetten jámi 22 komanda qatnastı. Jarıs qızǵın bellesiwlerge bay bolıp, jaslardıń futbolǵa bolǵan qızıǵıwshılıǵı hám olardıń sport sheberlikleri sınaldı. Jarısqa tájiriybeli sportshılar, dene mádeniyatı teoriyası hám metodikası kafedrası professor-oqıtıwshıları P.Qaypnazarov, I.Shaniyazov, M.Utepov, S.Tulepovlar tóreshilik etti. Jarıs tóreshiler tárepinen tárepinen ádil bahalanıp, jeńimpaz komandalar anıqlandı.
Jarıs jeńimpazları shólkemlestiriwshiler tárepinen tayarlanǵan diplomlar hám estelik sawǵaları menen sıylıqlandı. Ótkerilgen jarıstıń maqseti studentler arasında sporttıń kishi futbol túri boyınsha jarıs ótkeriw arqalı student-jaslar arasında salamat turmıs tárizin qáliplestiriw, universitet kóleminde sporttıń kishi futbol sport túrin rawajlandırıw hám en jaydırıw, olardıń sport sheberligin asırıw, qábiletli futbolshı studentlerdi anıqlaw hám de universitetimizdiń kishi futbol boyınsha saylandı komandası quramın kóbeytiw bolıp tabıladı.
R.Óteniyazov
Dene mádeniyatı fakultetiniń
jaslar menen islesiw boyınsha dekan orınbasarı
