Ózbekstan Respublikası Prezident Administraciyasınıń 03-RA 1-5357-sanlı (13.04.2024j) arnawlı tapsırması, ministrliktiń 122-sanlı buyrıǵı (17.04.2024j) tiykarında shet tiller fakulteti inglis til bilimi kafedrası professor-oqıtıwshıları G.Seytniyazova, S.Abdullaeva, S.Berdimuratova hám D.Badirovalar kafedraǵa biriktirilgen Kegeyli rayonı 12-16-sanlı mektepler oqıtıwshıları ham oqıwshı jaslar arasında «Máripat taratıp» hám «Mánáwiyat hápteligi» joybarların tiykarında ilajlar shólkemlestirdi.

Ilaj dawamında mektep oqıwshıları menen sáwbet alıp barılıp, olardıń qızıǵwshılıqları, keleshekte kásip tańlawı, jetik insan bolıp jetilisiwi, shet tillerin úyrenip, til biliw dárejesin kórsetiwshi B2, S1 sertifikatlarına iye bolıw boyınsha jol jobalar kórsetildi hám shet tiller fakulteti, sonday-aq inglis til bilimi kafedrası jetiskenlikleri, bul jerde jartılǵan imkaniyatları haqqında keń túsinikler berdi. Oqıwshı jaslar ózleri qızıqtırǵan sorawlarına juwaplar aldı. Master-klass sabaq nátiyjesinde shet tili boyınsha tınlawshılardan til úyretiw hám úyreniwde ushırasıp atırǵan qıyınshılıqlar boyınsha master-klass qatnasıwshıları menen sáwbetlesiw ótkerip tıńlawshılırdıń pikirler almasıldı. Sonday-aq, master-klass sabaqlarında hár bir mektep oqıtıwshısı ózleriniń oqıw orınlarındaǵı shet tilin úyretiwdegi qıyınshılıqları hám jetiskenlikleri haqqında tájiriybe almasıw maqsetinde seminarlardı bunnan bılayda shólkemlestiriw kerekligin aytıp ótti.

Dilfuza Badirova Inglis til bilimi
kafedrası assistenti