Elimizde balalardıń huqıqları menen erkinliklerin qorǵaw, olardıń qábiletlerin júzege shıǵarıwǵa ayrıqsha itibar qaratılmaqta. Óytkeni balalar – ómirimizdiń quwanıshı, erteńgi keleshegimiz iyeleri. Olarǵa mehir hám ǵamqorlıq kórsetiw, tárbiya beriw bárshemizdiń insanıylıq minnetimiz.

Usı tiykarda búgin «1–iyun Xalıqaralıq balalardı qorǵaw kúni» múnásibeti menen Berdaq atındaǵı Qaraqalpaq mámleketlik universitetinde jumıs alıp barıp atırǵan texnikalıq taraw-xızmetkerleriniń texnikalıq taraw xızmetkerleriniń perzentlerine universitetimiz rektoratı hám kásiplik awqamı komiteti tárepinen tayarlanǵan bayram sawǵaları tapsırıldı. Ilajda universitetimizdiń rektorı A.Reymov qatnasıp, bársheni búgingi «1–iyun Xalıqaralıq balalardı qorǵaw kúni» menen qızǵın qutlıqlap, bayram sawǵaların tapsırdı.

Sonday-aq, ol óz sózinde, ósip kiyatırǵan kishkene perzentlerimiz, óz kásibiniń mamanı, ertengi kúni elimizge belgili insan bolıp jetilisiwin tilep, olardıń ata-analarına bayram sawǵaların tapsırdı. Bunnan soń, ilajda universitetimizdiń Qarjı hám ekonomika isleri boyınsha prorektor A.Qudaybergenov hám universitetimiz Kásiplik awqamı komiteti baslıgı A.Alliyarovlar qatnastıp, ilajda qatnasıp atırǵan bárshe xızmetkerlerdi búǵingi sáne menen qutlıqlap olardıń aldaǵı jumıslarında tabıslar tiledi.