Ózbekstan Respublikası Joqarı bilimlendiriw, ilim hám innovaciyalar ministrliginiń 2024-jıl 6-iyun kúngi 3/15-4/4-8873-sanlı xatına tiykar Mamun universiteti tárepinen «Mamun universiteti stipendiyası» tańlawı ótkeriliwi rejelestirilgenligin járiyalaymız.
Tańlawda respublikamızdaǵı barlıq mámleketlik hám mámleketlik emes joqarı oqıw orınları bakalavr tálim baǵdarlarında (30 jasqa shekem bolǵan) 3-basqıshta oqıp atırǵan student-jaslar arasında anıq pánler, tábiyiy pánler hám sociallıq pánler kesiminde qatnasıwı múmkin.
«Mamun universiteti stipendiyası» tańlawında qatnasıw ushın talabanlar tárepinen tómendegi hújjetler usınıladı:
- Pasport, gúwalıq yamasa ID kartanıń nusqası;
- Maǵlıwmatnama (obyektivka);
- Ózlestiriw kórsetkishi haqqında tastıyıqlanǵan maǵlıwmatnama;
– transkript yamasa reyting dáptershesi;
- Usınıs (joqarı oqıw ornı basshısı tárepinen, shet tillerin biliwi haqqındaǵı milliy yamasa xalıqaralıq sertifikatı bar ekenligi kórsetiledi);
- Erisken jetiskenlikleri (gúwalıqlar, ilimiy maqalaları ushın sertifikatlar, til sertifikatı, diplom, patent hám t.b. ilimiy (dóretiwshilik) jumıslardıń dizimi hám olardıń baspa nusqaları);
- 4 dana 3,5×4,5 hám 2 dana 10×15 súwret;
- Respublikalıq yamasa xalıqaralıq tańlawlarda, pán olimpiadalardında jeńimpaz bolǵanlıǵı haqqındaǵı hújjettiń nusqası (eger bar bolsa);
- Barlıq hújjetler bir nusqada arnawlı papkaǵa jaylastırılǵan halda universitettiń Ziyrek studentlerdiń ilimiy-izertlew jumısların shólkemlestiriw bólimine 2024-jıldıń 20-iyun kúnine shekem tapsırılıwı kerek.
«Mamun universiteti stipendiyası» tańlawın ótkeriw boyınsha Reje
Qosımsha maǵlıwmatlar ushın telefon:
A.Sharibayev
+998 93 614 26 76
