Xabarıńız bar, Elimizde jaslarǵa tiyisli mámleketlik siyasattıń nátiyjeligin arttırıw, jaslardıń mashqalaların sheshiw hám potencialın júzege shıǵarıw, olardı talap joqarı bolǵan kásip-ónerge oqıtıw arqalı bántligin támiyinlew sıyaqlı bir qatar jumıslar ámelge asırılmaqta.

Usı tiykarda búgin Nókis qalası «Qarataw» mákan puqaralar jıyınında atalıqqa alınǵan jaslardıń mashqala hám usınısların tıńlaw maqsetinde Berdaq atındaǵı Qaraqalpaq mámleketlik universiteti rektorı A.Reymov tiyisli juwapkerler menen birgelikte usı aymaqta bolıp, atalıqqa alınǵan jaslar hám olardıń ata-anaları menen ushırastı.

Dáslep bul jerde sırtqı miynet migraciyasınan qaytıp kelgen bir qatar jaslar hám olardıń ata-anaları menen sáwbetlesti. Sáwbetlesiw barısında atalıqqa alınǵan jaslar hám ata-analardıń pikir-usınısları tıńlanıp, mashqalaların sheshiw boyınsha tiyisli jumıslar alıp barıldı.

QMU baspasóz xızmeti