Búgin Berdaq atındaǵı Qaraqalpaq mámleketlik universiteti rektorı A.Reymov xızmet saparı menen Ferǵana politexnika institutında boldı. Bul jerde institut rektorı U.Salomov hám institut adminiyatraciyası sonday-aq, miynet jámááti menen ushırasıwı bolıp ótti.

Onda Qaraqalpaq mámleketlik universitetiniń oqıw isleri boyınsha prorektorı, ilimiy bólim xızmetkerleri, sonıń menen birge, fizika hám biologiya fakultetiniń professor-oqıtıwshıları, fakultet dekanları hám kafedra baslıqları ZOOM platforması arqalı qatnast. Ushırasıwda eki joqarı oqıw ornı ortasında bilimlendiriw, ilim-pán tarawları, birgelikte ilimiy izertlew jumısların alıp barıw, sonıń menen birge, Ózbekstan Respublikası Prezidenti Sh.M.Mirziyoevtiń 2024-jıl 20-iyun kúngi berilgen tapsırmalarınan kelip shıǵıp, ondaǵı wazıypalardı orınlawda birge islesiwge qaratılǵan is-ilajlardı ámelge asırıw máseleleri boyınsha óz-ara pikir hám usınıslar bildirildi. Sonday-aq, ushırasıw qatnasıwshıları Aralboyı aymaǵında quyash hám samal energiyasınan paydalanıw, suw resurslarınan nátiyjeli paydalanıw boyınsha ámelge asırılıwı múmkin bolǵan ilimiy joybarlar prezentaciyası menen de tanısıp, ózleriniń qızıqtırǵan sorawlarına juwaplar aldı. Ushırasıw sońında, Qaraqalpaq mámleketlik universiteti hám Ferǵana politexnika institutı ortasında óz-ara birge islesiw boyınsha memorandumǵa qol qoyılıp, aldaǵı waqıtta usı baǵdardaǵı jumıslardı birgelikte ámelge asırıwǵa qaratılǵan is-ilajlar boyınsha jol kartası tastıyıqlandı.

Ushırasıw óz-ara sáwbetlesiw hám usınıslarǵa, soraw-juwaplarǵa bay tárizde mazmunlı ótkerildi.

QMU baspasóz xızmeti