Xabarıńız bar, Berdaq atındaǵı Qaraqalpaq mámleketlik universiteti qospa tálim baǵdarlaması boyınsha Malayziyanıń Linkoln Kolleg universiteti menen birge islesip kelmekte. Onda eki universitettiń professor-oqıtıwshılar menen ilimiy xızmetkerlerin oqıtıw hám ilimiy tájiriybelerin jetilistiriw, akademiyalıq mobillik hám usı sıyaqlı baǵdarlar jolǵa qoyılǵan.

Birge islesiwlerdi dawam ettiriw maqsetinde búgin 5-avgust kúni Berdaq atındaǵı Qaraqalpaq mámleketlik universiteti rektorı Axmed Reymov Malayziyanıń Linkoln Kolleg universitetiniń xalıqaralıq baylanıslar boyınsha juwapker wákili, professor Al Maqtari Rashid Abdulsalam Abdullax penen ushırastı.

Ushırasıwda xalıq aralıq birge islesiw máselelerin ele de jolǵa qoyıy, Malayziyanıń Linkoln Kolleg universiteti professor-oqıtıwshıları tárepinen universitetimiz studentlerine sabaq ótiw sonday-aq, birgelikte xalıqaralıq joybarlardı ámelge asırıw máselelerin dodaladı.

Ushırasıw dawamında Malayziyanıń Linkoln Kolleg universitetinde qospa tálim baǵdarlaması tiykarında oqıwın dawam ettirgen Berdaq atındaǵı Qaraqalpaq mámleketlik universiteti magistrantlarına salatanatlı túrde diplom tapsırıldı.

QMU baspasóz xatkeri