Bársheńizdiń xabarıńız bar, sońǵı jılları mámleketimizde turizmdi rawajlanıdırıw baslı siyasat dárejesine kóterilip, turizmdi ele de rawajlandırıwǵa qaratılǵan ilajlardıń ámelge asırılıwı ushın Perezidentimiz hám Ministrler Kabineti tárepinen bir qansha párman hám qararlar qabıl etilip, Oliy Májlis tárepinen nızam hújjetleri jetilistirilip, elimizde jańa turistlik baǵdarlar, turistlik marshrutlar, turizm tarawın qánigeler tayarlaw boyınshada unamlı jumıslar alıp barılmaqda. Sonday-aq, turizm tarawında óz jumısın ámelge asıratuǵın isbilermenlik subektleri ushın túrli jeńillik hám preferenciyalar belgilengen.
Usı jıldıń 13-avgust kúni Qaraqalpaq mámleketlik universiteti quramındaǵı Repressiya qurbanların eslew muzeyinde, muzeydi ekspoziciyasın ele de keńirek úgit násiyat etiw, muzeydiń jaslar tárbiyasındaǵı áhmiyeti, jáne de muzeydi Respublikamız hám shet ellerge keńirek tanıstırıw maqsetinde infotur shólkemlestirildi. Infoturǵa muzey xızmetkerleri, Turizm tarawına baylanıslı mákeme shólkemler xızmkeetkerleri, Qaraqalpaqstan Respublikasındaǵı barlıq Ǵalaba qural wákilleri xızmetkerleri qatnastı.
Dáslep muzey direktorı A.Qudiyarov muzeydegi islenip atırǵan jumıslar, Ózbekstan Respublikası Prezidentiniń 2020-jıl 8-oktyabrdegi F-5598-sanlı “Repressiya qurbanları miyrasın jáne de tereń úyreniw hám olardıń atın máńgilestiriw” tiyisli qosımsha is ilajlar haqqındaǵı biyligi, Ózbekstan Respublikası Ministrler Kabinetiniń 2021-jıl 9-iyundegi 357-sanlı Ózbekstan Respublikası Ministrler Kabineti quramındaǵı Repressiya qurbanların eslew mámleketlik muzeyi hám aymaqlardaǵı Joqarı oqıw ornı quramındaǵı miyrasın Repressiya qurbanların eslew muzeyi hám de “Shohidlar xotirasi” jámiyetlik fondın qollap quwatlaw haqqındaǵı qararı talaplarınıń orınlanıwı, Ózbekstan Respublikası Prezidentiniń 2024-jıl 19 – iyuldaǵı 270 – sanlı «Siyasiy repressiya qurbanı bolǵan watanlaslarımızdıń ómiri hám jumısın úyreniw, úgit-násiyatlaw hám olardıń esteligin máńgilestiriw baǵdarındaǵı jumıslardı keńeytiw haqqında» gı qararınıń áhmiyeti hám orınlanıwı boyınsha islenip atırǵan jumıslarǵa toqtap ótip, kelgen miymanlardı muzey ekspoziciyası menen keńnen tanıstırdı. Info tur dawamında kelgen taraw hám Ǵalaba qural wákilleri óz ara sáwbetlesiwler ótkerip, muzeydi elede keń jámáátshilikke tanıtıw, turizm jónelisine kirgiziw boyınsha ózleriniń baxalı másláhátlerin berip ótti.
Amina Mambetkarimova
Muzey xızmetkeri.
