Usı jıldıń 14-avgust kúni Joqarı bilimlendiriw, ilim hám innovaciyalar ministriniń orınbasarı Otabek Mahkamov Qaraqalpaq mámleketlik universitetinde bolıp, bul jerde jańa 2024/2025-oqıw jılına tayarlıq boyınsha ámelge asırılıp atırǵan jumıslar menen tanıstı. Atap aytqanda, studentler úyleriniń jaǵdayı, asxana, ruwxıylıq xanaları studentlerdi qabıllawǵa tayar ekenligi kózden keshirildi.

Bunnan soń, studentlerdi ijaralarǵa, jataqxanalarǵa jaylastırıw boyınsha maǵlıwmatlar orayı (infokiosk) menen baylanıslı processlerde úyrenildi. Ol jerde universitettiń studentlerdi turaq jay menen támiyinlew jumısların muwapıqlastırıw bólimi juwapkerlerine jańa oqıw jılına tayarlıq sheńberinde xızmetkerlerdiń juwapkershiligin jáne de kúsheytiw zárúr ekenligin aytıp, barlıq wazıypalardı óz waqıtında hám sapalı orınlaw boyınsha tapsırmalar berdi.