Húrmetli Prezidentimiz hár dayım jaslarımızdı kitap oqıwǵa shaqırıp, olardı kitap penen doslasıwdı úgit-násiyatlaw menen birge, kitapxanalardı kitap penen bayıtıw, sonday-aq, kitap oqıwshılarǵa qolaylı sharayat jaratıw kerekligin uqtıradı. Usı tiykarda Qaraqalpaq mámleketlik universitetinıń  Málimleme resurs orayı jańa 2024/2025-oqıw jılına tolıq tayar halǵa keltirildi.

Berdaq atındaǵı Qaraqalpaq mámleketlik universiteti Málimleme-resurs orayı kitap fondında 585677 nusqaǵa jaqın ádebiyatlar jámlengen bolıp, bunnan sabaqlıqlar 208389 nusqa, oqıw qollanbalar 184506 nusqa, ilimiy ádebiyatlar 99453 nusqa,   kórkem ádebiyatlar 36974 nusqa, shet el ádebiyatları 4607 nusqa, basqa ádebiyatlar 51748 nusqadan ibarat.

Málimleme-resurs orayında IRBIS avtomatlastırılǵan sisteması jolǵa qoyılǵan bolıp, bunda 66310 atamadaǵı 468722 nusqa kitaplardıń bibliografik maǵlıwmatları kirgizilgen.

Málimleme-resurs orayı paydalanıwshılarına tezlik hám sıpatı jaǵınan málimleme-kitapxana xızmetin kórsetiwde telegramm messendjerinde https://t.me/audiobookkarsuirc (audio kitaplar), https://t.me/elib_karsu (elektron kitaplar), telegramdaǵı http://t.me/elib_karsu kanalında ótiletuǵın pánler boyınsha 8038 den artıq tiykarǵı ádebiyatlar jaylastırılǵan. Sonday-aq, Málimleme-resurs orayında kóriw qábileti tómen bolǵan studentlerge  arnawlı oqıw zalı ajıratılǵan.

Student jaslarımızdıń bilimin, kitapqumarlıǵın arttırıwda málimleme-resurs orayımızda “Kitapqumarlar” klubı jumıs alıp barmaqta.

 Málimleme resurs orayında 10 oqıw zalı xızmet kórsetedi:

1. Tabiiy pánler oqıw zalı
2. Gumanitar pánler oqıw zalı
3. Kórkem ádebiyatlar oqıw zalı
4. Ilimiy metodikalıq qollanbalar zalı
5. Gazeta jurnallar oqıw zalı
6. Shet el ádebiyatlar oqıw zalı
7. Elektron kitaplar oqıw zalı
8. Internet zalı
9. Imkaniyatı sheklengenler ushın oqıw zalı
10. Kompyuter xanası

Hár oqıw zallarında qosımsha kompyuterler menen támiynlengen.