Usı jıldıń 23-26 avgust kúnleri  Samarqand qalasındaǵı «Silk Road Samarkand» turistlik orayında Ózbekstandaǵı Islam civilizaciyası orayı hám de Ózbekstan mádeniy miyrasların úyreniw, saqlaw hám ǵalabalastırıw boyınsha Pútkil dúnya jámiyeti (WOSCU) sherikliginde «Ullı babalar miyrası – III Renessans tiykarı» VIII Xalıq aralıq Kongressi temasında ilaj bolıp ótpekte.

Onda Berdaq atındaǵı Qaraqalpaq mámleketleketlik universiteti rektorı, Ózbekstan Respublikası Ilimler Akademiyası Qaraqalpaqstan bólimi baslıǵı, akademik, Islam civilizaciyası orayı Ilimiy keńesi aǵzası Axmed Reymov ta qatnaspaqta. Kongressde Ózbekstandaǵı Islam civilizaciyası orayı muzey ekspoziciyaları, kitapxanası, sonıń menen birge Imom Buxoriy muzeyi ekspoziciyalarınıń  talqılawı rejelestirilgen. Sondaya-aq, usı Kongressde Ilimler akademiyasınan 24 ilimpazlar belsene qatnaspaqta.

Dáslep Kongresstiń ashılıw máresiminde Ózbekstan Respublikası Prezidenti másláhátshisi X.Sultanov Ózbekstan Respublikası Prezidenti Shavkat Mirziyoyevtiń qutlıqlawın oqıp esittirdi. Maǵlıwmat ushın; VIII Xalıq aralıq Kongress tariyxda birinshi márte «Silk Road Samarkand» kompleksiniń Kongress-Xoll zalında ótkerilip, bul ilaj ilimpazlar jumısına úlken túrtki beriwi hám Kongress qatnasıwshıları ushın este qalalarlı tájiriybe bolıwı sózsiz.