Aldın xabar bergenimizdey, usı jıldıń 29-avgust kúni Qaraqalpaqstan Respublikası Joqarǵı Keńesinde Ózbekstan Respublikası ǵárezsizliginiń otız úsh jıllıǵı múnásibeti menen bir topar Watanlaslarımızǵa mámleketlik sıylıqlar tapsırıldı.
Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, ǵárezsizligimizdiń otız úsh jıllıǵı múnásibeti menen jıynalǵanlardı qutlıqladı hám sońǵı jılları húrmetli Prezidentimizdiń basshılıǵında elimizde ámelge asırılıp atırǵan keń kólemli dóretiwshilik jumısları hám turmısqa engizilip atırǵan reformalar haqqında keń túrde atap ótti.
Ilajda Qaraqalpaqstan Respublikası Joqarǵı Keńesi Prezidiumınıń qararına muwapıq Sanaat texnologiyası fakulteti, Sanaat texnologiyası kafedrası docenti Imamatdin Turmanov «Ardaqlı nuranıy» kókirek belgisi menen sıylıqlandı.
Bizde óz gezeginde universitet jámááti I.Turmanovtı qızǵın qutlıqlay otırıp, aldaǵı jumıslarında tabıslar tileymiz!
Berdaq atındaǵı Qaraqalpaq mámleketlik universiteti rektoratı hám Sanaat texnologiyası fakulteti miynet jámááti.
