Xabarıńız bar, usı jıldıń 14-15-sentyabr kúnleri Qaraqalpaqstandaǵı kem ushırasatuǵın tábiyǵıy máskan – Barsakelmes aymaǵında (Aral teńizi jaqınındaǵı ataw) «Planetamız keleshegine úles qosamız» súreni astında xalıqaralıq ekomarafonı bolıp ótken edi.

Ótkerilgen ekomarafonǵa Berdaq atındaǵı Qaraqalpaq mámleketlik universiteti Dene mádeniyatı hám Biologiya fakulteti professor-oqıtıwshıları hám studentleri belsene qatnastı. 5 km aralıqqa juwırıw marafonına qatnasqan universitettiń Dene mádeniyatı fakultetleri studentleri Esengeldi Tileuimbetov sıylı 1-orın, Ayzada Pirlepesova 3-orındı jeńip alıwǵa miyassar boldı.

Maǵlıwmat ushın Ózbekstan, Hindistan, Keniya, Togo, Sudan, Iordaniya, Ispaniya, Kanada, Daniya, Belarus, Rossiya sıyaqlı 11 mámleketten 250 professional hám háwesker spotshılar qatnastı. Qatnasıwshılar arasında Nike kompaniyasınıń musılman hayallar arasında juwırıwdı úgit-násiyatlawshı elshisi Farah Majid hám Adidas wákili Ǵani Sulaymon da boldı.

Ilaj  sheńberinde qara úy lageri, mádeniy baǵdarlama, etno-shou, Barsakelmes shorlıǵı aymaǵına sayaxat, 42 km marafon, 21 km yarım marafon hám de 5 hám 10 km aralıqqa juwırıw orın alǵan.

R.Óteniyazov

Dene mádeniyatı fakultetiniń jaslar menen islesiw boyınsha dekan orınbasarı