Búgin 24-sentyabr kúni Berdaq atındaǵı Qaraqalpaq mámleketlik universiteti rektorı A.Reymov universitettiń Qurılıs hám Ekonomika fakultetlerinde bolıp, ol jerde, oqıw processleri hám laboratoriyalardıń jumıs iskerligin kózden ótkerdi.

Dáslep, rektorı A.Reymov fakultetlerde oqıw processleri menen tanısıp, student-jaslar menen sáwbetlesti. Sáwbetlesiw barısında ol studentlerdi jáne de belsendi bolıwǵa, bilim alıw processinde innovaciyalıq hám dóretiwshilik qatnastı kúsheytiwge shaqırdı.

Bul baǵdarda studentlerdiń baslamaların qollap-quwatlaw hám keleshekte jańa ideyaların rawajlandırıw boyınsha universitet administraciyası barlıq sharayatlardı jaratatuǵınlıǵın atap ótti. Bunnan soń, rektor zamanagóy turizm hám qurılıs laboratoriyalarınıń iskerligi, studentlerge usınılıp atırǵan ámeliy shınıǵıwlardıń sapası hám laboratoriya úskenelerinen paydalanıw jaǵdayın kózden ótkerdi.

Ol jerde fakultet dekanları hám kafedra baslıqlarına studentlerdiń ámeliy bilimlerin arttırıw ushın zárúr sharayatlar jaratıw máselelerine itibar qaratıw, sonday-aq, oqıw procesindegi kemshiliklerdi saplastırıw, bilimlendiriwdiń sapasın arttırıw, zamanagóy laboratoriyalardı rawajlandırıw hám studentlerdiń ilimiy-ámeliy bilimlerin bekkemlew boyınsha tiyisli tapsırmalar berdi.

Haqıyqatında da, fakultetlerdegi oqıw processi hám laboratoriya jumıs iskerligi, studentlerdiń bilimin arttırıw, ilimiy-izertlew potencialın kúsheytiw hám keleshekte ilimiy izleniwler ushın bekkem tiykar jaratadı.

QMU baspasóz xızmeti