Ózbekistan Respublikası Joqarı bilimlendiriw, ilim hám innovaciyalar ministrligi hám de Ózbekstan Respublikasınıń 7 hám Yevropanıń 3 universitetleriniń birgeliktegi ERASMUS+ Higher Education Capacity Building grantları tiykarında 101128871 — DEBSEUz — ERASMUS-EDU-2023-CBHE sanlı “Development of the targeted Educational program for Bachelors in Solar Energy in Uzbekistan (DEBSEUz)” grantı rejesinde belgilengen wazıypalardı orınlaw maqsetinde usı jıldıń 20-21-sentyabr kúnleri Fergana politexnika institutında “Staff training in solar energy: technologies, methods and tools” atlı xalıq aralıq ilimiy-ámeliy konferenciya shólkemlestirildi.
Usı konferenciyada
• quyash energiyası
• quyash energiyasına tiykarlanǵan elektr energiyası hám jıllılıq stanciyaları
• alternativ energiya tarawı ushın jetik qánigeler tayarlaw boyınsha mashqalalardı talqılaw názerde tutılǵan. Konferenciyaǵa Ózbekstan hám de basqa sırt el mámleketlerden bir qansha alımlar joqarıdaǵı bar bolǵan mashqalalar hám olardıń sheshimleri boyınsha óz ilimiy miynetleri menen qatnastı. Konferenciyanı ótkeriwden tiykarǵı maqset Ózbekstanda quyash energiyası boyınsha qánigeler tayarlawdıń házirgi kúndegi jaǵdayı, texnologiyaları hám metodları boyınsha usınıslardı úyreniw hám olardı joqarı oqıw orınlarında paydalanıwdan ibarat. Bul konferenciyada mámleketimiz joqarı oqıw orınları alımlarınan tısqarı usı taraw boyınsha kárxanalardan jetekshi qánigelerde mirat etildi.