Usı jıldıń 29-noyabr kúni Berdaq atındaǵı Qaraqalpaq mámleketlik universiteti májilisler zalında Ózbekstan Respublikası Din isleri komitetiniń Qaraqalpaqstan Respublikası aymaqlıq basqarması tárepinen Hayal-qızlar hám jaslar arasında hár turli jat illetlerdiń unamsız aqıbetleriniń aldın alıwǵa qaratılǵan » Global álemde sociallıq mashqalalar hám olardıń sheshimi» temasında 1 kúnlik oqıw seminar ótkerildi. Seminarǵa Respublikalıq úgit násiyatlaw toparları aǵzaları, JOO rektorlarınıń hayal qızlar máseleleri boyınsha másláhátshileri, mekteplerdiń ruwxıy aǵartıwshılıq isleri boyınsha direktor orınbasarları hám mákeme shólkemlerden tiyisli wákiller qatnastı. Bul oqıw seminarında bir qatar taraw qánigeleri óz bayanatları menen qatnastı. Sonday-aq, ilajda sózge shıqqanlar búgingi tez pátler menen rawajlanıp baratırǵan globallasıw dáwirinde keleshegimiz bolǵan jaslardıń tálim tárbiyasına ayrıqsha itibar qaratıw, olardı ruwxıy jaqtan jetik hám kámil insan etip tárbiyalawda bárshemiz teńdey juwapker ekenligin ayrıqsha atap ótti. Oqıw seminarında «Jaslar hám hayal-qızlardı sociallıq media arqalı ekstremizmnen qorǵaw strategiyaları: Ózbekstandaǵı hám xalıqaralıq tájiriybeler» temasında Qaraqalpaqstan Respublikası huqıqtı qorǵaw organı qánigesi Sh.Matyakupova, «Ózbekstanda mámleket hám diniy múnásibetlerdiń rawajlanıw basqıshları» temasında NMPI filologiya ilimleri doktorı Q.Mambetov, «Hayal-qızlar arasında ruwxıy-aǵartıwshılıq iskerligin tártipke salıw, olardı jat illetler tásirinen qorǵaw, milliy hám diniy qádriyatlarımızdı asırap abaylaw, sociallıq salamat ruwxıy ortalıqtı qáliplestiriw» temasında Óz.R.Din isleri komitetiniń hayal-qızlar máseleleri boyınsha jetekshisi H.Ibrayimova, «Jaslar tárbiyası milliy qádriyat hám ǵalabalıq mádeniyat», Internet mádeniyatınıń 10 qaǵıydası teması boyınsha QMU hayal-qızlar máseleleri boyınsha rektor másláhátshisi I.Seytnazarovalar óz bayanatların isledi. Bunnan soń, «Islom mo’tadil-din» temasında Nókis Muxammad Ibn Axmad Al Beruniy orta arnawlı Islam oqıw ornı oqıtıwshısı A.Yakupov hám «Internettegi basım ótkeriwlerden qorǵaw. Ashıq xabar sistemalarındaǵı psixologiyalıq qáwipsizlik» atamasında QR. IIM kiberqáwipsizlik bólimi qánigesi J.Kdırbaevlar tárepinen bayanat islendi. Haqıyqatında da, jaslarımızdı kámil insan etip tárbiyalawda, ásirese, dúnyada hám mámleketimizde júz berip atırǵan siyasıy ekonomikalıq ózgerislerge sanalı qatnas jasay alatuǵın ruwxıy dúnyası bay, jetik qánigeler etip tárbiyalawdı aldımızǵa maqset etip qoyar ekenbiz, bárshemiz jaslardıń bos waqıtların mazmunlı ótkeriw, olardı hár qıylı jat ideyalardan qorǵawımız, keleshegi ullı mámlekette, keleshegi ullı jaslardı jetsip shıǵarıwımız shárt .
