«14-yanvar –Watan qorǵawshıları kúni» bayramı hám Ózbekstan Respublikası Qurallı Kúshleri shólkemlestirilgenliginiń 33 jıllıǵı múnásibeti menen Qaraqalpaq filologiyası hám jurnalistika fakultetinde «Jańa Ózbekstan armiyası-mámleket tayanıshı, xalqımız maqtanıshı!» atamasında fakultet tuytorları hám student-jaslar menen birgelikte ushırasıw keshesi bolıp ótti.

Ushırasıwda Arqa – Batıs áskeriy okrugi komandir orınbasarı kapitan Amiriddin Ǵaybullaev, katta leytenant Aziz Sarkarov hám bir qatar áskerler miymanda boldı. Ushırasıwdan maqset jaslardıń Watanǵa degen súyispenshiligin arttırıw, Ózbekstan Respublikası Qurallı kúshleriniń tariyxı hám házirgi kúndegi qural jaraq, áskeriy jaqtan imkaniyatları menen birgelikte jetiskenlikleri haqqında student-jaslarǵa maǵlıwmat beriw bolıp tabıladı.

Jaslarımızdıń minnetli wazıypası Watandı tek ǵana qolına qural alıp qorǵaw emes, al óziniń bilimi, sawatı hám ustazlardıń bergen tárbiyaların ámelde durıs qollanıp Watanımız bayraǵın bálentlerge kóteriwiniń ózide Watan aldındaǵı wazıypası ekenligin túsindiriw. Ilajdı fakultet jaslar menen birge islesiw boyınsha dekan orınbasarı Z.Jumanov ashıp berdi hám basqarıp bardı. Onnan soń taraw qánigeleri ózleriniń bayanatları menen qatnasıp óz pikir usınısların jaslar menen birgelikte bólisti. Bunnan soń, student-jaslar ózleriniń qızıqtırǵan sorawlarına juwaplar aldı.

Qaraqalpaq filologiyası hám jurnalistika fakulteti tyutor M.Reymov