2019-жыл 1-май күни саат 15 00 де Бердақ атындағы Қарақалпақ мәмлекетлик университети жанындағы DSc.27.06.2017.Fil.20.01 санлы Илимий кеңеси тийкарында 10.00.05 – Азия ҳәм Африка халықлары тили ҳәм әдебияты (Түркмен тили ҳәм әдебияты) қәнигелиги бойынша бир мәртелик Илимий кеңес жанындағы Илимий семинар мәжилиси Қарақалпақ филологиясы факультетиниң мәжилислер ханасында өткериледи.
Мәжилисте Бердақ атындағы Қарақалпақ мәмлекетлик университети Филология (қазақ тили, түркмен тили) кафедрасы доценти, еркин излениўши Гайлыева Огулбай Курбанмурадовнаның «Ғәрезсизлик дәўири түркий халықлар лирикасында формалық изленислер ҳәм олардың типологиясы (Өзбек, қарақалпақ, түркмен лирикасы мысалында)» деген темадағы филология илимлериниң докторы (DSc) илимий дәрежесин алыў ушын таярлаған диссертациясының талқылаўы болып өтеди.
