Өзбекстан Республикасы Миллий Гвардиясы Әскерий-техникалық Институты 12.00.09-Жынаят процесси. Криминалистика, оператив-қыдырыӯ ҳуқық ҳәм суд экспертизасы қәнигелигиниң докторанты ю.и.к., доц. Ш.Файзиев юридика илимлериниң докторы (DSc) дәрежесин алыӯ ушын қорғаӯ алдынан Бердақ атындағы Қарақалпақ мәмлекетлик университети жетекши шөлкем етип белгиленгенлиги себепли Тарийх ҳәм ҳуқық факультетинде илимий семинар болып өтти.
Семинарда Ҳуқықтаныӯ кафедрасы профессор-оқытыӯшылары ю.и.к., доц. А.Алламуратов, ю.и.д. Қ.Умарова, ю.и.к. Қ.Сейтназаров, ю.и.к., доц. А.Гулимов, ю.и.к. Б.Даўменов, ю.и.к. С.Утемуратова, ю.и.к. М.Нажимов, ю.и.к. И.Матжанов ҳәм басқалар қатнасты.
Семинарды Тарийх ҳәм ҳуқық факультети деканы ю.и.к., доц. Ф.Қутлымуратов алып барды.
Ш.Файзиев «Суриштирув органлари фаолиятини модернизациялаш» атамасындағы темасының әҳмийетлилиги, машқаланың үйренилгенлилик дәрежеси, изертлеӯдиң мақсети ҳәм ӯазыйпалары ҳәм илимий жаңалығы ҳаққында айтып өтти. Диссертацияға рәсмий оппонент сыпатында ю.и.к. Қ.Сейтназаров, ю.и.к.,доц. А.Алламбергенов ҳәм ю.и.к. И.Матжановлар өз пикирлерин билдирди.
Илаж соңында Ф.Қутлымуратов сөзге шығып, диссертация бойынша өз пикирлерин билдирип Өзбекстан Республикасы Миллий Гвардиясы Әскерий-техникалық институты қасындағы Илимий дәрежелер бериӯши DSc.30.08.2018.YU.74.01 санлы Илимий Кеңесинде юридика илимлериниң докторы (DSc) дәрежесин алыӯ ушын қорғаӯға 100 процент даӯыс пенен усыныс етилди.
Илимий семинар қатнасыӯшылары ю.и.к., доц. Ш.Файзиевқа алдағы илимий жумысларында табыслар тилеп, өз пикирлерин билдирди.
И.Жоллыбекова,
Факультеттиң Илимий ислер бойынша декан орынбасары.
