2019-жылдың 20-сентябрь күнги Өзбекстан Республикасы Жоқары ҳәм орта арнаўлы билимлендириў министрлигиниң «2019/2020-оқыў жылы ушын жоқары билимлендириў орынлары студентлерине Өзбекстан Республикасы мәмлекетлик стипендияларын (Наўайы, Беруний, Улығбек, Ибн Сина, Имам ал-Бухарий, Ислам Каримов) тайынлаў ҳаққында»ғы 840-санлы буйрығы менен Бердақ атындағы Қарақалпақ мәмлекетлик университетиниң бир топар студентлери стипендияларға мүнәсип деп табылды.

Олар: шет тиллери факультетиниң 4-курс студенти Гулмира Кеўлимжаева (Наўайы атындағы мәмлекетлик стипендиясына), қурылыс факультетиниң 4-курс студенти  Нурсулыў Кенжебаева ҳәм физика факультети 4-курс студенти Рамзат Толегеновлар (Беруний атындағы мәмлекетлик стипендиясына), физика факультети 3-курс студенти Гулпаршын Насырова (Улығбек атындағы мәмлекетлик стипендиясына), қарақалпақ филологиясы ҳәм журналистика факультетиниң 4-курс студенти Наргиза Балтабаева (Ислам Каримов атындағы мәмлекетлик стипендисына)лар стипендия жеңимпазлары болды.

Стипендиант болған университетимиздиң студентлерин қутлықлап, алдағы оқыўларында табыслар тилеп қаламыз!

Баспасөз хызмети.