Усы жылдың 23-октябрь күни Бердақ атындағы Қарақалпақ мәмлекетлик университети юридика факультети ҳуқықтаныў кафедрасы жанындағы “Юридикалық клиника” тәрепинен қарақалпақ филологиясы ҳәм журналистика факультети студент-жаслары ушын көшпели қабыллаў шөлкемлестирилди.

Юридикалық клиника ағзалары профессор-оқытыўшылары басшылығында ҳуқықый мәселелер бойынша пуқаралар қабыллаўын әмелге асырып, оларға керекли юридикалық мәсләҳәтлер берип келмекте.

Илаж шеңберинде юридика факультети ҳуқықтаныў кафедрасы аға оқытыўшысы Д.Сапаров, ассистент-оқытыўшы С.Таңирбергенов, факультеттиң жаслар менен бирге ислесиў бойынша декан орынбасары Ю.Абдреймов ҳәм юридика факультети юриспруденция тәлим бағдары 3-басқыш талабалары Д.Ҳабибуллаева, И.Каримовлар қатнасып, факультет студент-жасларына ҳуқықый мәселелери бойынша мәсләҳәтлер берди.

И.Каримов,

Юридика факультетиниң 3-курс студенти.